🔸जिल्ह्यात आतापर्यंत दिड लाखांवरआरोग्य सेतू ॲप डाऊनलोड
✒चंद्रपुर(पुरोगामी संदेश न्यूज़ नेटवर्क)
चंद्रपूर, दि. 18 जून: कोरोनाच्या पार्श्वभूमीवर जिल्ह्यातील नागरिकांनी आरोग्य सुरक्षिततेसाठी आरोग्य सेतू ॲप डाऊनलोड करा व त्याचा उपयोग करावा,असे आवाहन जिल्हाधिकारी डॉ.कुणाल खेमनार यांनी केले आहे. जिल्ह्यात आतापर्यंत नागरिकांकडून 1 लाख 88 हजार 271 ॲप डाऊनलोड करून त्याचा वापर करीत आहे. तसेच कोविड संदर्भात दूरध्वनी सर्वेक्षण मध्ये जास्तीत जास्त नागरिकांनी सहभागी व्हावे, असे आवाहन देखील करण्यात आले आहेत.
कोरोना विषाणूची जोखीम कितपत आहे. यासाठी केंद्र सरकारने आरोग्य सेतू ॲप लॉन्च केले आहे.हे अॅप मराठी आणि हिंदी या भाषांसोबत 11 भाषांमध्ये उपलब्ध आहे.कोरोना विषाणूबाबतची माहिती सर्वांपर्यंत पोहोचावी आणि सर्वांनी याबाबत सजग राहून त्याविरोधात लढा उभारावा, यासाठी हे अॅप मार्गदर्शन करेल.
सर्व भारतीय भाषांमध्ये सदर अॅप उपलब्ध करून देण्यात आले असून सर्वांना समजेल अशी माहिती त्यावर आहे. आरोग्य सेतू अॅप ब्लूटूथ आणि जीपीएसचा वापर करते. जीपीएसद्वारे व्यक्तीचं रिअल टाईम लोकेशन ट्रॅक करण्यात येते. तसेच कोणताही कोरोनाग्रस्त व्यक्ती जवळ आल्यास हे अॅप ट्रॅक करणार आहे. 6 फूट अंतरापर्यंत हे अॅप व्यक्तीला ट्रॅक करू शकते.
कोरोनाविरोधातील लढाईत लोकांना आरोग्य सेवांशी जोडणं हा अॅपचा प्रमुख उद्देश आहे. अंगणवाडी, आशा कार्यकर्त्यांसह शालेय शिक्षक आणि आरोग्य खात्यांच्या कर्मचाऱ्यांच्या माध्यमातून या अ‍ॅपबाबत जनजागृती निर्माण केली जात आहे. आयओएस आणि अ‍ॅन्ड्रॉईड फोनवर हे अॅप डाऊनलोड केले जाऊ शकते.
आपल्या आजूबाजूला असलेल्या संक्रमित व्यक्तींची माहिती तसेच प्रत्येक राज्याचे हेल्प डेस्क नंबर आणि इतर महत्त्वपूर्ण माहिती जाणून घेण्यासाठी आपल्या फोनमध्ये ‘आरोग्य सेतू’ अॅप डाऊनलोड करण्याचे आवाहन जिल्हा प्रशासनाने केले आहे.
आरोग्य सेतू अॅप असे करा डाऊनलोड :
गुगल प्ले स्टोअर वर जाऊन आरोग्य सेतू सर्च करून हे ॲप डाऊनलोड करता येणार आहे. हे ॲप नॅशनल इन्फॉर्मेटिक्स सेंटरने (एनआयसी) बनवलेले आहे. त्यामुळे एनआयसीने जारी केलेले ॲपच डाऊनलोड करावे.
असे वापरावे आरोग्य सेतू अॅप :
आयओएस आणि अ‍ॅन्ड्रॉईड फोनवर हा अॅप डाऊनलोड करावा. त्यानंतर ब्लुटूथ आणि लोकेशन ऑन करावे. त्यात सेट लोकेशन ऑलवेज असे ठेवावे. आपल्याला आवश्‍यक असलेली भाषा त्यावर नमूद केल्यास त्या भाषेमध्ये सर्व माहिती आरोग्यसेतूद्वारे उपलब्ध होते. अॅपमध्ये असलेल्या प्रश्‍नांची उत्तरे स्पष्टपणे दिल्यास आपल्यामध्ये कोविडच्या आजाराची लक्षणे आहे का? याची माहिती देखील लगेच मिळते. यासह इतर आजारांविषयीची माहितीदेखील त्यावर मिळत असल्याने हा अॅप लोकांच्या दृष्टीने महत्त्वपूर्ण ठरत आहे.
आरोग्य सेतू अॅपचा असा करा वापर :
आरोग्य सेतू अॅप वापरण्यासाठी आपला फोन नंबर रजिस्टर करा.फोन नंबर टाकल्यावर एक ओटीपी येईल. जो इंटर केल्यावर अॅपमध्ये रजिस्ट्रेशन होईल.हे एक कोरोना व्हायरस ट्रॅकिंग अॅप आहे.इंटर झाल्यानंतर अॅप आपल्याला ब्लूटूथ आणि जीपीएस अॅक्सेस विचारते.आपल्या डिव्हाईसमधून युझरचा डेटा अनक्रिप्टेड फॉर्ममध्ये घेतला जातो.अॅप उघडल्यानंतर पर्सनल डिटेल्स विचारली जातात. यामध्ये जेंडर, नाव, वय, व्यवसाय आणि मागील 30 दिवसांच्या ट्रॅव्हल हिष्ट्रीबाबत विचारलं जातं. या माहितीला आपण स्कीप देखील करू शकतो.यानंतर अॅपची भाषा निवडावी लागते.या अॅपमध्ये युझर आपले सेल्फ असेसमेंट करू शकतात.
हे आहेत खास फीचर्स :
आरोग्य सेतु अॅपमध्ये खास फीचर्स आहेत. कोविड 19 चाचणी प्रयोगशाळेविषयी माहीती उपलब्ध आहे. तसेच सेल्फ असेसमेंट फिचरद्वारे आपण स्वतःची चाचणी करू शकतो. जर तुमच्यामध्ये कोविड-19 ची काही लक्षणं असतील तर हे अॅप तुम्हाला सेल्फ आयसोलेशनसाठी निर्देश देत.
कोविड संदर्भात दूरध्वनी सर्वेक्षण मध्ये सहभागी होण्यासाठी 1921 टोल फ्रि सेवा सुरु केली आहे.वापरकर्ता 1921 या क्रमांकावर मिस्ड कॉल देईल.कॉल डिस्कनेक्ट होईल आणि नागरिकांना कॉल बॅक मिळेल. विचारले जाणारे प्रश्न व स्वतःचे मूल्यांकन आरोग्यसेतु याप्रमाणेच आहे. दिलेल्या प्रतिसादाचा आधारे नागरिकांना सतर्कतेच्या सूचना मिळतील. त्यामुळे नागरिकांनी जास्तीत जास्त या टोल फ्रि क्रमांक 1921 तसेच आरोग्याविषयक माहितीसाठी 1075 क्रमांकाचा वापर करावा, असे आवाहन जिल्हा प्रशासनाने केले आहे.जिल्ह्यातील नागरिकांकडून 1921 या टोल फ्री क्रमांकावर आतापर्यंत 1 हजार 861 कॉल आलेले आहेत.
