नवी दिल्ली /नागपुर(पुरोगामी संदेश नेटवर्क)
कोरोना संक्रमणाच्या पाश्र्वभूमीवर मार्च महिन्यात २४ तारखेला सायंकाळी उशिरा पंतप्रधानांनी देशव्यापी लॉकडाऊनची घोषणा केली. आज (या लॉकडाऊनचा ९८ वा दिवस आहे. लॉकडाऊनचा पाचवा टप्पाही आता संपत आलाय. याच दरम्यान, आज(30 जून)सायंकाळी ४.०० वाजता पंतप्रधान नरेंद्र मोदी पुन्हा एकदा नागरिकांना संबोधणार आहेत. त्यामुळे, आज पंतप्रधान काय घोषणा करणार याकडे नागरिकांचं लक्ष लागलंय.
पंतप्रधान मोदी आज आपल्या भाषणातून आत्मनिर्भर भारत अभियानावर आणखी भर देणार का? देशात करोनाचे रुग्ण ५ लाखांवर गेले आहेत. यामुळे जनतेला करोनाच्या संसर्गाबाबत अधिक जागरूक करणार का? लॉकडाऊनमध्ये आणखी सूट मिळणार का? असे अनेक प्रश्न नागरिकांच्या मनात आहेत.
३० जून रोजी करोना आकडेवारी
करोनाच्या आकडेवारीवर नजर टाकली असता आरोग्य मंत्रालयाच्या माहितीनुसार सध्या २ लाख १५ हजार १२५ रुग्णांवर देशातील वेगवेगळ्या रुग्णालयांत उपचार सुरू आहेत. देशभरात केवळ गेल्या २४ तासांत करोनाचे १८ हजार ५२२ नवीन रुग्ण आढळले आहेत. तर २४ तासांत एकूण ४१८ रुग्णांचे मृत्यू झाल्याची माहिती केंद्रीय आरोग्य मंत्रालयानं दिलीय. त्यामुळे देशातील एकूण मृत्यूंची संख्या आता १६ हजार ८९३ वर पोहचलीय.
देशात आत्तापर्यंत ५ लाख ६६ हजार ८४० रुग्ण करोनाच्या तावडीत सापडले आहेत. यातील ३ लाख ३४ हजार ८२२ रुग्ण करोनावर मात करण्यात यशस्वी ठरले.
एका दिवसात २,१०,२९२ चाचण्या
गेल्या २४ तासांत २ लाख १० हजार २९२ चाचण्या पार पडल्या. आतापर्यंत देशभरात घेतलेल्या एकूण करोना चाचण्यांची संख्या ८६ लाख ०८ हजार ६५४ इतकी आहे. करोना चाचण्या करणा?्या प्रयोगशाळांची संख्या आता १०४९ झाली असून त्यात ७६१ सरकारी, तर २८८ खासगी प्रयोगशाळांचा समावेश आहे.
