तेलंगणा सीमेलगत दारू तस्करी जोमात सुरू; भंगाराम तळोधी हे दारू तस्कारांचे केंद्रस्थान

45

🔺दारू तस्करीत माजी पंचायत समितीचे सदस्यचा हात असल्याचे उघड

✒️नितीन रामटेके(गोंडपिपरी,तालुका प्रतिनिधी)
मो:-8698648634

गोंडपिपरी(दि.20ऑक्टोबर):- तालुक्यातील तेलंगणा सीमेलगत असलेल्या गावांमध्ये जोरात दारू तस्करी सुरू असून या भागात दारूचा पाऊस पडताना दिसून येत आहे. तेलंगणा लगत असलेल्या गावांमध्ये भंगाराम तळोधी हे गाव दारूचे केंद्रस्थान बनले आहे. याचावर स्थानिक गुन्हे शाखेची कडक नजर असून याचे पडसाद सुद्धा काल पडले आहे. तेलंगणा सिमेलगत असलेल्या भंगाराम तळोधी येथे दारू तस्करांना पकडण्यात स्थानिक गुन्हे शाखेला यश आले आहे.

पकडण्यात आलेली दारू माजी पंचायत समिती सदस्याची असल्याचे आरोपींनी बयाणात सांगितले. बयाणावरूण माजी प.स.सदस्य सिनु कंदनुरीवार याचावर गुन्हा दाखल करण्यात आला आहे. या कार्यवाहीत दोन लाखांचा दारूसह मुद्देमाल जप्त केला असून या प्रकरणी तिघांना ताब्यात घेण्यात आले असून तिघे फरार असल्याची माहीती आहे. गोंडपिपरी तालुक्यात छुप्या मार्गाने अवैध दारूची तस्करी सूरू आहे.तालुक्याला लागुन तेलंगणा राज्याची सीमा आहे. तेलंगणातून मोठ्या प्रमाणात तालुक्यात दारू येत असल्याचे बोलले जाते.

अश्यातच सोमवारचा रात्री वर्धा नदीच्या घाटावरून नंदवर्धन-अडेगाव मार्गे येणाऱ्या एका दुचाकी मध्ये दारू येत असल्याची माहिती स्थानिक गुन्हे शाखेला मिळाली.माहितीचा आधारावर स्थानिक गुन्हे शाखेचा पथकातील संदीप इंगोले, शुभम येडस्कर व अन्य सहकाऱ्यांसह नंदवर्धन-अडेगाव मार्गावर पाळत ठेऊन होते. रात्रीच्या सुमारास एक संशयास्पद दुचाकी ( क्रमांक MH34 AG 3662 ) येताना पथकाला दिसली.दुचाकीला थांबवून चौकशी केली असता तेलंगणा येथील विदेशी दारू आढळून आली. यात दोन आरोपींना पकडण्यात पथकाला यश आले तर तीन आरोपी फरार झाले आहेत.

तुळशीराम पोटे ( भं. तळोधी ) , दुर्योधन बडगे ( रा. सुपगाव ) असे ताब्यात घेतलेल्या आरोपींची नावे आहेत. नरू उर्फ दाना पोटे ( रा. मक्ता ), संदीप बडगे, कालिदास आऊतकर ( रा.सुपगाव ) हे आरोपी फरार आहेत. घटनास्थळी सापडलेल्या दुचाकीच्या चौकशीअंती विदेशी दारू सह एकूण 2,17,000 रुपया किमतीचा मुद्देमाल स्थानिक गुन्हे शाखेचा पथकाने जप्त केला आहे. सदरील अवैध दारूसाठा हा भंगाराम तळोधी येथील सिनु कंदनुरीवार यांचा असल्याचे आरोपीचा बयाणातून स्पष्ट झाले आहे. सिनु कंदनुरीवार हे माजी पंचायत समिती सदस्य राहीले आहेत.

अनेक राजकीय पक्षांशी त्यांची जवळकी आहे. दरम्यान पुढील तपास धनंजय करकाडे, संजय अनकूलवार,गोपाल अनकूलवार, नितेश महात्मे, प्रशांत नागोसे, करीत आहे. तालुक्यात अवैध दारूच्या होत असलेल्या कार्यवाहीने दारू तस्करांचे धाबे दणाणले आहेत.