मकर संक्रांती

[अष्टाक्षरी काव्यरचना]

आला आनंदाचा सण ।
नाव मकर संक्रांती ।।
नभा भिडण्याचे क्षण ।
स्वारी पतंगावरती ।१।

तिळ गुळ गोड गोड ।
घेरे प्रेमाने रे बोल ।।
आज अबोला तू सोड ।
बोल पुढे मधू बोल ।२।

खेळा पतंगाशी मौजे ।
स्पर्धा विमानाशी करा ।।
दक्ष वापरावे मांजे ।
पक्षी वाचवावे नरा ।३।

खावे मनसोक्त गोड ।
तुम्हा स्तव केले सारे ।।
द्यावं खुप घ्यावं थोडं ।
पोट सांगे सल्ला घ्यारे ।४।

नदी तळी स्नान नको ।
जीव शाबूत राहू दे ।।
धावू पतंगाशी नको ।
ऐक ‘कृगोनि’ जगू दे ।५।

!! सन्मा.सर्व वाचक बंधुभगिनींना पुरोगामी संदेश परिवारातर्फे मकर संक्रांतीच्या गोड गोड हार्दिक शुभेच्छा !!

✒️कविवर्य – ‘कृगोनि’ : श्री कृष्णकुमार निकोडे गुरुजी.
(गडचिरोली जिल्हा प्रतिनिधी : रा.डि.शै.दै.रयतेचा वाली.)
मु. पो. ता. जि. गडचिरोली.
मधुभाष – ७७७५०४१०८६.
इमेल – nikodekrishnakumar@gmail.com

गडचिरोली, महाराष्ट्र, सामाजिक 

Leave a Reply

Your email address will not be published. Required fields are marked *

©️ALL RIGHT RESERVED