नागपूर: (प्रतिनिधी: प्रवीण बागड़े)
नागपूर -मूकबधिर प्राण्यांच्या वेदना व त्रास कमी करत असल्यामुळे शेतकरी पशुवैद्यकांना देवच मानतात अशी भावना श्री एस. रेगुपती, कार्यकारी संचालक, राष्ट्रीय डेअरी विकास बोर्ड यांनी व्यक्त केली. “Veterinarians are Essential Health Workers” या विषयावर नागपूर पशुवैद्यक महाविद्यालयात आयोजित जागतिक पशुवैद्यकीय दिनानिमित्य ते बोलत होते. महाराष्ट्र पशु व मत्स्य विज्ञान विद्यापीठ, राष्ट्रीय डेअरी विकास बोर्ड, नावार, वेंकटेश्वरा ह्याचरीज पुणे आणि पशुसंवर्धन विभाग यांच्या संयुक्त विद्यमाने नागपूर पशुवैद्यकीय महाविद्यालयात 27 एप्रिल रोजी जागतिक पशुवैद्यकीय दिन साजरा करण्यात आला, त्यावेळी कुलगुरू डॉ. नितीन पाटील यांनी आपल्या अध्यक्षीय भाषणात पशुवैद्यक आणि शेतकरी यांच्यातील पवित्र नात्यावर भर दिला, जो पशुवैद्यकांमध्ये देव पाहण्याच्या श्रद्धेसारखेच आहे, ज्यांना बोलता येत नाही अशा प्राण्यांची काळजी घेणे. गरीब पशुपालक व शेतकऱ्यांचा सामाजिक-आर्थिक स्तर उंचावण्यासाठी पशुवैद्यकांनी उल्लेखनीय योगदान दिल्याबद्दल त्यांनी त्यांचे कौतुक केले. त्यांनी शेतकऱ्यांच्या फायद्यासाठी माफसू विद्यापीठाने ने विकसित केलेले तंत्रज्ञान शेतकऱ्यापर्यंत पोहचवण्याचे आवाहन केले. डॉ. शिरीष उपाध्ये, आयोजन अध्यक्ष आणि संचालक शिक्षण तथा अधिष्ठाता पशुविद्याशाखा, माफसू यांनी आपल्या प्रास्ताविकात पशु आरोग्य व पशु कल्याण आणि मानवी आरोग्यामध्ये पशुवैद्यकांच्या अमूल्य योगदानाची दखल घेऊन साजरा केल्या जाणाऱ्या जागतिक पशुवैद्यक दिनाचे महत्त्व सांगितले. त्यांचे समर्पण आणि प्राण्यांची काळजी घेण्यात महत्त्वपूर्ण भूमिका त्यांनी विशद केली. डॉ. सुखदेव बारबुद्धे, संचालक, आयसीएआर-नॅशनल मीट रिसर्च इन्स्टिट्यूट, हैदराबाद हे सन्माननीय अतिथी होते. तसेच डॉ. डी. व्ही. कोलते, देशातील प्रसिद्ध पोल्ट्री ब्रीडर आणि संचालक, वेन्को रिसर्च अँड ब्रीडिंग फार्म, पुणे; श्री जयतीर्थ चारी, उपव्यवस्थापकीय संचालक, मदर डेअरी; डॉ. सतीश राजू, प्रादेशिक सहआयुक्त, पशुसंवर्धन, नागपूर आणि डॉ. अजय पोहरकर, सचिव, नावार आणि अध्यक्ष, महाराष्ट्र पशुवैद्यक परिषद हे सुद्धा सन्माननिय अतिथी म्ह्णून मंचावर उपस्थित होते. तांत्रिक सत्रादरम्यान एनएमआरआय, हैदराबादचे संचालक डॉ. बारबुद्धे; डॉ. विजय तिजारे, वेंकीज इंडियाचे महाव्यवस्थापक; शहरातील प्रसिद्ध नेफ्रोलॉजिस्ट डॉ. धनंजय उकळकर आणि एनडीडीबीचे गट प्रमुख (पशु आरोग्य) डॉ. ए.व्ही. हरिकुमार यांनी संबंधित विषयांवर व्याख्याने दिली. व्हीएनआयटी नागपूरने नागपूर पशुवैद्यकीय महाविद्यालय आणि एनडीडीबी यांच्या संयुक्त विद्यमाने निकृष्ट दर्जाच्या पिकांच्या अवशेषांच्या मूल्यवर्धनसाठी विकसित केलेल्या “विमोझाइम” या एन्झाइमचे तसेच महाराष्ट्र पशु व मत्स्य विज्ञान विद्यापीठाचे व्यावसायिक खनिज मिश्रण “MAFSU Min” या प्रसंगी मान्यवरांच्या हस्ते लाँच करण्यात आले आणि माफसुचे प्रकाशन माफसू वार्ताचे विमोचन सुद्धा करण्यात आले.
या शुभप्रसंगी, वन्यजीव संशोधन आणि प्रशिक्षण केंद्र (माफसू) आणि सह्याद्री व्याघ्र प्रकल्प, कोल्हापूर यांच्यात सामंजस्य करार करण्यात आला. श्री रामानुमन, मुख्य वनसंरक्षक आणि क्षेत्र संचालक यांनी परस्पर सहकार्याविषयी आपले विचार मांडले आणि विद्यार्थ्यांना वन्यजीव पशुवैद्यक होण्याचे आवाहन केले. या कार्यक्रमात ३५० व्यासायिकांनी सहभाग घेतला ज्यामध्ये पशुवैद्यक अधिकारी, प्राध्यापक व पद्व्यूत्तर विद्यर्थ्यांचा समावेश होता. या कार्यक्रमाला डॉ. नितीन कुरकुरे, संशोधन संचालक, माफसू; डॉ. अनिल भिकाणे, विस्तार संचालक, माफसू; डॉ.सचिन बोंडे, अधिष्ठाता (मत्स्यविज्ञान), माफसू; डॉ. ए. पी. सोमकुवर, सहयोगी अधिष्ठाता, नागपूर पशुवैद्यक महाविद्यालय यांचा विशेष सहभाग होता. कार्यक्रमाचे संचालन डॉ.श्वेता लेंडे यांनी केले तर आभार डॉ.अतुल ढोक, आयोजन सचिव यांनी व्यक्त केले.
