✒️कोल्हापूर(पुरोगामी न्यूज नेटवर्क)
कोल्हापूर(दि.3एप्रिल):- प्रेस संपादक व पत्रकार सेवा संघाचे पश्चिम महाराष्ट्र संपर्क प्रमुख प्रा.जय कराडे यांना लोकशासन न्यूज नेटवर्क कडून उत्कृष्ट पत्रकारिता पुरस्कार २०२२ ने सन्मानित करण्यात आले. सन्मानचिन्ह व प्रशस्तीपत्र देऊन प्रा.कराडे यांचा सत्कार करण्यात आला.
सातारा जिल्ह्यातील सुप्रसिद्ध कास पठार याठिकाणी लोकशासन न्यूज चा दुसरा वर्धापनदिन सोहळा संपन्न झाला.यावेळी न्युज 1 इंडिया चॅनेल चे निवासी संपादक आनंद गायकवाड व प्राईम्स एफ एक्स कंपनी च्या सर्वेसर्वा रूपाली चव्हाण यांच्या हस्ते हा पुरस्कार देण्यात आला. या प्रसंगी महाराष्ट्रातील विविध जिल्ह्यांतील उल्लेखनीय कार्य करणाऱ्या पत्रकारांचा सन्मान करण्यात आला. याप्रसंगी आनंद गायकवाड यांनी सर्व पत्रकारांना मार्गदर्शन केले. याप्रसंगी मुंबई, ठाणे, कल्याण, नाशिक, पुणे, रायगड, लातुर, अमरावती, वाशिम, कोल्हापूर, सातारा, सांगली आदी जिल्ह्यातील पत्रकार कार्यक्रमस्थळी उपस्थित होते. प्रा.कराडे, रुपाली चव्हाण, धम्मशील सावंत, राजेंद्र वाटाणे, विनोद ढेरे, किशोर सोनकांबळे व अजय कल्याणे यांनी मनोगते व्यक्त केली.
प्रेस संपादक व पत्रकार सेवा संघाचे पश्चिम महाराष्ट्र संपर्क प्रमुख प्रा. जय कराडे यांनी पश्चिम महाराष्ट्रात सामाजिक, सांस्कृतिक, शैक्षणिक, राजकीय क्षेत्रात व कोरोनाकाळात विशेष उल्लेखनीय कार्य केल्याबद्दल लोकशासन न्यूज नेटवर्क, महाराष्ट्रच्या वतीने सन्मानित करण्यात आले. यावेळी सुत्रसंचालन पत्रकार मिलिंदा पवार यांनी तर आभार कार्यकारी संपादक मिलिंद लोहार यांनी व्यक्त केले.प्रा. जय कराडे यांना पत्रकारिता क्षेत्रातील उत्कृष्ट पुरस्कार प्रदान करण्यात आल्याबद्दल प्रेस संपादक व पत्रकार सेवा संघाचे संस्थापक अध्यक्ष डी. टी. आंबेगावे, संघटनेचे राज्य, विभाग, जिल्हा व तालुका पदाधिकारी यांनी अभिनंदन केले आहे.
