✒️सुयोग सुरेश डांगे(विशेष प्रतिनिधी)
चिमूर(दि.20डिसेंबर):-तालुक्यातील जेतवन बुद्ध विहार, मालेवाडा येथे दि. 20 डिसेंबर 2023 रोजी सकाळी ठीक 8.30 वाजता संत गाडगेबाबा यांच्या स्मृतिदिनानिमित्त आदरांजली कार्यक्रम संपन्न झाला.संत गाडगेबाबा यांचे प्रतिमेला आयु. मुरलीधर डेकाटे आयु.शांताराम शेंडे यांचे हस्ते पुष्पहार अर्पण करून दीपप्रज्वलन करून अभिवादन करण्यात आले .यावेळी आयु.प्रदीप मेश्राम व आयु. अशित बांबोडे यांनी “संत गाडगेबाबा यांचे ” जीवनावर प्रकाश टाकला.गाडगे महाराज हे अनिष्ट रुढी आणि परंपरेवर जोरदार प्रहार करत होते. किर्तनाच्या माध्यमातून त्यांनी आयुष्यभर प्रबोधनाचे काम केले.
गाडगेमहाराज यांचा वैज्ञानिक दृष्टीकोन होता. त्यांनी समाजाला शिक्षणाचे महत्व पटवून दिले. स्वच्छता आणि चारित्र्याची शिकवण दिली. गाडगे महाराजांमध्ये गोरगरीब, दीनदलित ह्यांच्यामधील अज्ञान, अंधश्रद्धा, अस्वच्छता यांचे उच्चाटन करण्यासाठी तळमळ होती. लोकांमधील अंधश्रद्धा आणि गरीबी दूर करण्यासाठी शिक्षणाचे महत्व त्यांना माहित होते. प्रसंगी घरातील वस्तू विका पण आपल्या पाल्यांना शिकवा असे ते नेहमी सांगायचे.
अशा शब्दात मान्यवरांनी संत गाडगेबाबा यांच्या कार्याचं स्मरण करून त्यांना अभिवादन केलं. माता भीमाबाई आंबेडकर स्मृतिदिनानिमित्त अभिवादन करण्यात आले.या प्रसंगी सचिन बोरकर,प्रशिक बहादुरे,शुभम कन्नाके, सनय बांबोडे,दीक्षांत शेंडे, साहिल शेंडे, आदी मान्यवर उपस्थित होते.कार्यक्रमाचे सूत्रसंचालन योगेश मेश्राम यांनी केले.व आभार प्रदर्शन निलेश मेश्राम यांनी केले. कार्यक्रमाला बहुसंख्येने गावातील नागरिक उपस्थित होते.
