✒️सुयोग सुरेश डांगे(विशेष प्रतिनिधी)
चिमूर(दि.22जानेवारी):– राष्ट्रीय ओबीसी युवा महासंघाचे विदर्भ उपाध्यक्ष श्रीहरी सुभाषराव सातपुते यांची प्रा रमेश पिसे यांच्या शिफारसीनुसार विदर्भ तेली समाज महासंघाच्या पूर्व विदर्भ सचिव पदी नियुक्ती करण्यात आली.
तेली समाजाच्या न्याय हक्कासाठी लढणारी संघटना विदर्भ तेली समाज महासंघाचे कार्य वाढविण्याकरिता, संघटनेचे उद्दिष्ट समांजा पर्यंत पोहचविण्याकरिता विदर्भ तेली समाज महासंघचे मुख्य संघटक प्रा रमेश पिसे यांच्या सिफारसीनुसार केंद्रीय अध्यक्ष रघूनाथ शेंडे यांनी चिमूर येथील श्रीहरी सुभाषराव सातपुते यांची विदर्भ तेली समाज महासंघाच्या पूर्व विदर्भ सचिव पदी नियुक्ती केली.
श्रीहरी सातपुते राष्ट्रीय ओबीसी युवा महासंघाचे विदर्भ उपाध्यक्ष असून व्हॉईस ऑफ मीडियाचे जिल्हा सहचिटणीस आहेत. मुख्य संघटक प्रा रमेश पिसे, केंद्रीय सचिव संजय सोनटक्के, सत्यशोधक महिला महासंघाच्या राज्य अध्यक्षा वंदना वंनकर, प्रा. महादेव पिसे यांच्या उपस्थितीत नियुक्ती पत्र देऊन नियुक्ती करण्यात आली.
यावेळी धनराज मुंगले, राजू अगडे, भास्कर बावनकर, ईश्वर डुकरे. ऍडव्होकेट धनराज वंजारी, प्रवीण सातपुते, रामदास कामडी, प्रा. पितांबर पिसे, कवडु लोहकरे, प्रभाकर पिसे, तुळसीदास भूरर्से, माधुरी रेवतकर, ममता डूकरे, भावना बावनकर, वर्षा शेंडे,यामिनी कामडी, पुष्पा हरने, कांचन खाटीकव सर्व समाज बांधवांनी अभिनंदनाचा वर्षाव केला.
