आली दीपावली ही रंग नाना उधळित …
लोक घरे सफाई कामी सारे दंग केले !१!
आधी गोवत्स द्वादशी पूजा गाई वासरे …
भूत दया पाळा तुम्ही फटाके का फोडिले !२!
यंदा कोरोनाचा वाढता प्रादुर्भाव मोठा …
वाढू नये प्रदुषण पाहिजे बंद केले !३!
दिन हा धन्वंतरी कडू पाल्याचा प्रसाद …
खाता जंतू होती ठार ते रोगराई गेले !४!
रंग रंगुल्या घरा बघत रमा येईल …
होता आवाज कर्णकटु ते देवही भेले !५!
सांगे नरक चतुर्दशी स्नान तन मना …
दीप लावा शौचालयी जे आज स्वच्छ केले !६!
वंदु या शेतकरी येता बलि प्रतिपदा …
आहे पोशिंदा विश्वाचा ज्याने हे कष्ट केले !७!
घरा आली बहीण भाऊबीज तया माना …
नाते पवित्र हे चालो सदा ‘कृगोनि’ बोले !८!
✒️कवी:-श्री कृष्णकुमार गोविंदा निकोडे गुरुजी.
मु. पोटेगावरोड, पॉवर स्टेशनच्या मागे,
गडचिरोली, जि. गडचिरोली.
फक्त व्हा.नं. ७४१४९८३३३९.
ईमेल – krishnadas.nirankari@gmail.com
