🔸केंद्रीय राज्यमंत्री ना रामदास आठवले यांची अधिकृत घोषणा
✒️मुंबई(पुरोगामी संदेश नेटवर्क)
मुंबई(दि.६जून):- नवी मुंबई आंतरराष्ट्रीय विमानतळाला दिवंगत लोकनेते दि बा पाटील यांचे नाव देण्यात यावे या ठाणे रायगड ; पालघर मधील स्थानिक भूमीपुत्रांच्या आग्रही मागणीला रिपब्लिकन पक्षाचा जाहीर पाठिंबा असल्याची आज अधिकृत घोषणा रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्य मंत्री ना. रामदास आठवले यांनी केली आहे.
नवी मुंबई आंतर राष्ट्रीय विमानतळाला दि बा पाटील यांचे नाव द्यावे या मागणीसाठी येत्या दि. १० जून रोजी भूमीपुत्रांकडून मानवी साखळी आंदोलन पुकारले असून या आंदोलनात रिपब्लिकन पक्षाचे कार्यकर्ते सहभागी होऊन आंदोलनाला पाठिंबा देणार आहेत असे ना रामदास आठवले यांनी आज मुंबईत प्रसिद्धी पत्रकाद्वारे जाहीर केले.