✒️रोशन मदनकर(उप संपादक)
चंद्रपूर(दि.6जून):-गत 24 तासात जिल्ह्यात 218 जणांनी कोरोनावर मात केल्याने त्यांना रुग्णालयातून सुटी देण्यात आली तर 85 जण नव्याने कोरोना पॉझिटीव्ह आले आहेत. तसेच 2 बाधितांचा जिल्ह्यात मृत्यू झाला आहे.
बाधित आलेल्या 85 रुग्णांमध्ये चंद्रपूर महानगर पालिका क्षेत्रातील 16, चंद्रपूर तालुका 10, बल्लारपूर 8, भद्रावती 11, ब्रम्हपुरी 6 , नागभिड 3, सिंदेवाही 2, मूल 3, सावली 1, पोंभूर्णा 3, गोंडपिपरी 1, राजूरा 11, चिमूर 0, वरोरा 4, कोरपना 6, जिवती 0 व इतर ठिकाणच्या 0 रुग्णांचा समावेश आहे. आज मृत झालेल्यांमध्ये चंद्रपूर शहरातील तुकूम परिसरातील 65 वर्षीय दोन महिलांचा समावेश आहे.
जिल्ह्यात आतापर्यंत एकूण बाधितांची संख्या 83 हजार 586 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 80 हजार 533 झाली आहे. सध्या 1 हजार 574 बाधितांवर उपचार सुरू आहेत. आतापर्यंत 4 लाख 91 हजार 844 नमुन्यांची तपासणी करण्यात आली असून त्यापैकी 4 लाख 4 हजार 866 नमुने निगेटीव्ह आले आहेत. जिल्ह्यात आतापर्यंत 1479 बाधितांचे मृत्यू झाले असून यापैकी चंद्रपूर जिल्ह्यातील 1369, तेलंगणा दोन, बुलडाणा एक, गडचिरोली 39, यवतमाळ 51, भंडारा 11, वर्धा एक, गोंदिया तीन आणि नागपूर येथील दोन बाधितांचा समावेश आहे.
प्रशासनाचे आवाहन : नागरिकांनी कोरोना पुर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षीत अंतर राखणे या त्रीसुत्रीचा नियमित वापर करावा, स्वत:ची काळजी घ्यावी तसेच 45 वर्षावरील सर्व नागरिकांनी जवळच्या केंद्रावरून कोरोनाची लस घ्यावी, व प्रशासनाने दिलेल्या सूचनांचे पालन करावे. असे आवाहन जिल्हाधिकारी अजय गुल्हाने यांनी केले आहे.
🔺दोन मृत्यूसह गडचिरोली जिल्ह्यात 104 कोरोनामुक्त, तर 44 नवीन कोरोना बाधित
गडचिरोली(दि.6जून):-आज जिल्हयात 44 नवीन कोरोना बाधित आढळून आले. तसेच आज 104 जणांनी कोरोनावर मात केल्याने त्यांना रूग्णालयातून घरी सोडण्यात आले. यामुळे जिल्हयातील आत्तापर्यंत बाधित 29640 पैकी कोरोनामुक्त झालेली संख्या 28420 वर पोहचली. तसेच सद्या 493 सक्रिय कोरोना बाधितांवर उपचार सुरू आहेत. आत्तापर्यंत जिल्हयात एकुण 727 जणांचा मृत्यू कोरोनामुळे झाल्याची नोंद आहे. आज 2 नवीन मृत्यू यामध्ये रा. मार्कंडा हेटी ता. चामोर्शी जि. गडचिरोली येथील 60 वर्षीय पुरुष, तर रा. वेलगुर ता. अहेरी जि. गडचिरोली येथील 80 वर्षीय पुरुष यांचा समावेश आहे. यामूळे जिल्हयातील कोरोना रूग्ण बरे होण्याचे प्रमाण 95.88 टक्के, सक्रिय रूग्णांचे प्रमाण 1.66 टक्के तर मृत्यू दर 2.45 टक्के झाला.
नवीन 44 बाधितांमध्ये गडचिरोली तालुक्यातील 11, अहेरी तालुक्यातील 02, आरमोरी 00, भामरागड तालुक्यातील 03, चामोर्शी तालुक्यातील 09, धानोरा तालुक्यातील 03, एटापल्ली तालुक्यातील 02, कोरची तालुक्यातील 00, कुरखेडा तालुक्यातील बाधितामध्ये 02, मुलचेरा तालुक्यातील बाधितामध्ये 06, सिरोंचा तालुक्यातील बाधितामध्ये 04 तर वडसा तालुक्यातील बाधितामध्ये 02 जणांचा समावेश आहे. तर आज कोरोनामुक्त झालेल्या 104 रूग्णांमध्ये गडचिरोली मधील 21, अहेरी 04, आरमोरी 05, भामरागड 09, चामोर्शी 22, धानोरा 00, एटापल्ली 01, मुलचेरा 10, सिरोंचा 11, कोरची 02, कुरखेडा 04 तसेच वडसा येथील 15 जणांचा समावेश आहे.
