✒️बीड,जिल्हा प्रतिनिधी(नवनाथ आडे)मो:-9075913114
बीड(दि.14जानेवारी):-भरधाव वेगातील कारवरील चालकाचे नियंत्रण सुटल्याने, कारने धावत्या कंटेनरला पाठीमागून धडक दिल्याची धक्कादायक घटना घडली आहे. या भीषण अपघातात भाजप नेते मोहन जगताप यांचा 22 वर्षीय पुतण्या जागीच ठार झाला आहे. हा भीषण अपघात बीड जिल्ह्यातून जाणाऱ्या धुळे- सोलापूर राष्ट्रीय महामार्गावरील गेवराई जवळील बायपास वर झाला आहे. विश्वजित जगताप असं अपघातात मृत्यू झालेल्या तरुणाचे नाव आहे.
माजलगाव येथील भाजपचे नेते व छत्रपती सहकारी कारखान्याचे चेअरमन मोहनराव जगताप यांचे पुतणे विश्वजीत जगताप हे अन्य एका मित्रा समवेत औरंगाबाद कडुन माजलगावकडे क्रेयटा कारने जात होते. याचदरम्यान गेवराई नजीक विश्वजीत जगताप यांचा वाहनावरील ताबा सुटला आणि त्यांची क्रेयटा कार समोर चालत असलेल्या कंटेनरवर धडकल्याने भिषण अपघात झाला.
याच अपघातात विश्वजीत जगताप यांच्या डोक्याला गंभीर मार लागल्याने त्यांचा जागीच मृत्यू झाला. तर अन्य एक मित्र जखमी झाला असल्याची माहिती आहे. दरम्यान या अपघातात विश्वजित याचा मृत्यू झाल्याने हळहळ व्यक्त केली जात आहे.
