चंद्रपूर जिल्ह्यात (दि.23मे) रोजी 24 तासात 838 कोरोनामुक्त, 355 कोरोना पॉझिटिव्ह तर 12 कोरोना बधितांचा मृत्यू

26

✒️रोशन मदनकर(उप संपादक)

चंद्रपूर(दि.23मे):-जिल्ह्यात मागील 24 तासात 838 जणांनी कोरोनावर मात केल्याने त्यांना रुग्णालयातून सुटी देण्यात आली आहे तर 355 कोरोना बाधीत रुग्णांची नव्याने भर पडली असून 12 बाधीतांचा मृत्यू झाला आहे.

जिल्ह्यात आतापर्यंत एकूण बाधितांची संख्या 80 हजार 955 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 73 हजार 836 झाली आहे. सध्या
5 हजार 751 बाधितांवर उपचार सुरू आहेत. आतापर्यंत 4 लाख 55 हजार 488 नमुन्यांची तपासणी करण्यात आली असून त्यापैकी 3 लाख 72 हजार 12 नमुने निगेटीव्ह आले आहेत.

आज मृत झालेल्यामध्ये चंद्रपूर शहरातील 59 वर्षीय महिला, वडगाव येथील 60 वर्षीय महिला, चिरोली येथील 86 वर्षीय महिला.बल्लारपूर तालुक्यातील 60 वर्षीय पुरुष, पळसगाव येथील 57 वर्षीय महिला.भद्रावती तालुक्यातील वायगाव येथील 62 वर्षीय पुरुष, शेगाव येथील 68 वर्षीय पुरुष. वरोरा तालुक्यातील 70 वर्षीय पुरुष. राजुरा तालुक्यातील लक्कडकोट येथील 50 वर्षीय पुरुष. ब्रह्मपुरी तालुक्यातील परसोडी येथील 50 वर्षीय पुरुष. चिमूर तालुक्यातील मोटेगाव येथील 50 वर्षीय महिला. आरमोरी गडचिरोली येथील 49 वर्षीय पुरूषाचा समावेश आहे.

जिल्ह्यात आतापर्यंत 1368 बाधितांचे मृत्यू झाले असून यापैकी चंद्रपूर जिल्ह्यातील 1268, तेलंगणा दोन, बुलडाणा एक, गडचिरोली 36, यवतमाळ 45, भंडारा 11, वर्धा एक, गोंदिया दोन आणि नागपूर येथील दोन बाधिताचा समावेश आहे.

आज बाधीत आलेल्या 355 रुग्णांमध्ये चंद्रपूर महानगर पालीका क्षेत्रातील 66, चंद्रपूर तालुका 20, बल्लारपूर 62, भद्रावती 36, ब्रम्हपुरी 05, नागभिड 15, सिंदेवाही 06, मूल 27, सावली 10, पोंभूर्णा 14, गोंडपिपरी 25, राजूरा 22, चिमूर 05, वरोरा 24, कोरपना 15, जिवती 01व इतर ठिकाणच्या 02 रुग्णांचा समावेश आहे.

नागरिकांनी कोरोना पुर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षीत अंतर राखणे या त्रीसुत्रीचा नियमित वापर करावा, स्वत:ची काळजी घ्यावी तसेच 45 वर्षावरील सर्व नागरिकांनी जवळच्या केंद्रावरून कोरोनाची लस घ्यावी, व प्रशासनाने दिलेल्या सूचनांचे पालन करावे. असे आवाहन जिल्हाधिकारी अजय गुल्हाने यांनी केले आहे.

🔺गडचिरोली जिल्ह्यात 173 कोरोनामुक्त, 7 मृत्यूसह 168 नवीन कोरोना बाधित

गडचिरोली(दि.23मे):- आज जिल्हयात 168 नवीन कोरोना बाधित आढळून आले. तसेच आज 173 जणांनी कोरोनावर मात केल्याने त्यांना रूग्णालयातून घरी सोडण्यात आले. यामुळे जिल्हयातील आत्तापर्यंत बाधित 28710 पैकी कोरोनामुक्त झालेली संख्या 26190 वर पोहचली. तसेच सद्या 1830 सक्रिय कोरोना बाधितांवर उपचार सुरू आहेत. आत्तापर्यंत जिल्हयात एकुण 690 जणांचा मृत्यू कोरोनामुळे झाल्याची नोंद आहे.

आज 7 नवीन मृत्यूमध्ये 75 वर्षीय पुरुष गुड्डीगुडाम ता.अहेर, 45 वर्षीय पुरुष माडेमगांव ता.चामोर्शी , 72 वर्षीय पुरुष कुलकुली ता.आरमोरी, 72 वर्षीय पुरुष धुनडेशिवनी गडचिरोली, 61 वर्षीय पुरुष शाहु नगर वार्ड न. 21 गडचिरोली, 55 वर्षीय पुरुष नवेगाव गडचिरोली, 70 वर्षीय महिला आार्शिवाद नगर गडचिरोली याचा नवीन मृत्यूमध्ये समावेश आहे. यामूळे जिल्हयातील कोरोना रूग्ण बरे होण्याचे प्रमाण 91.22 टक्के, सक्रिय रूग्णांचे प्रमाण 6.37 टक्के तर मृत्यू दर 2.40 टक्के झाला.

नवीन 168 बाधितांमध्ये गडचिरोली तालुक्यातील 28, अहेरी तालुक्यातील 4, आरमोरी 8, भामरागड तालुक्यातील 0, चामोर्शी तालुक्यातील 76, धानोरा तालुक्यातील 5, एटापल्ली तालुक्यातील 3, कोरची तालुक्यातील 0, कुरखेडा तालुक्यातील बाधितामध्ये 4, मुलचेरा तालुक्यातील बाधितामध्ये 17, सिरोंचा तालुक्यातील बाधितामध्ये 13 तर वडसा तालुक्यातील बाधितामध्ये 10 जणांचा समावेश आहे. तर आज कोरोनामुक्त झालेल्या 173 रूग्णांमध्ये गडचिरोली मधील 63, अहेरी 3, आरमोरी 2, भामरागड 06, चामोर्शी 19, धानोरा 21, एटापल्ली 9, मुलचेरा 8, सिरोंचा 18, कोरची 13, कुरखेडा 13 तसेच वडसा येथील 17 जणांचा समावेश आहे.